Zahanati ya Vingunguti yavishwa nyota nne

Na Yusuph Mwamba

SERIKALI  ya Jamhuri ya Muungano wa Tanzania kupitia wakaguzi wake wa TRN imezipandisha vyeo vya Nyota nne  zahanati tano baada ya kukidhi vigezo  vya Serikali.

Akizungumza na Gazeti hili, Diwani wa kata ya Vingunguti Omary Said  Kumbilamoto, amesema kuwa Manispaa ya Ilala kwa kuzingatia vigezo kupitia TRN imefanikisha kuzipandisha zahanati tano moja wapo kati ya hizo ikiwa ni zahanati ya mtu binafsi.

Miongoni mwa zahanati hizozilizopandishwa vyeo vya nyota nne ni pamoja na  Vingunguti, Tabata, Mongo landege, Kinyerezi, Segerea pamoja na Kadlugambwa (p).

Aidha, kwa upande wa mwenyekiti wa zahanati hiyo,  Nduze, amesema kuwa awali zahanati ya Vingunguti  ilikuwa na nyota mbili wakati zilizobakia zilikuwa na nyota tatu hivyo Vingunguti imepanda kwa nyota mbili.

Nduze, amewashukuru wananchi  kwa mawazo, maoni, na changamoto walizokuwa nazo ambapo walizifanyia kazi na kupelekea kupanda kwa nyota nne na kuwataka kuendeleza utamaduni wao wakuhakikisha wanafikia malengo zaidi na waliyo nayo sasa.

Pia, amempongeza kwa dhati Naibu Meya wa Halimashauri ya Manispaa ya Ilala, ambaye ni diwani wa kata ya Vingunguti, Mh: Omary Said Kumbilamoto kwa kuwaongoza vyema , ushauri na kutoa mchango wa hali na mali katika kufanikisha maendeleo ya kata hiyo.

JIUNGE NASI , BONYEZA HAPA http://www.wabunifumedia.blogspot.com ku-install App ya wabunifumedia,  bila ya kuingia websiteTweet@wabunifumediaonline, youtube@wabunifumediaonline TV, Fb@wabunifumediaonline, insta@wabunifumediaonline