Mamlaka ya chakula na Dawa Tanzania -TFDA imetakiwa kuendelea kuwajengea uwezo Wataalamu wa Maabara

Waziri wa Afya Maendeleo ya Jamii Jinsia Wazee na Wastoto Ummy Mwalimu katika  wakati akizindua  Maabara

Na Mariamu Muhando Dar es salaam

Mamlaka ya chakula na Dawa Tanzania -TFDA imetakiwa kuendelea kuwajengea uwezo Wataalamu wa Maabara ndogo Hamishika wanaohusika na uchunguzi kupitia maabara hizo ili kuendana na mabadiliko ya Sayansi na Teknolojia.

Wito huo umetolewa na Waziri wa Afya Maendeleo ya Jamii Jinsia Wazee na Wastoto Ummy Mwalimu katika  kuzindua  Maabara Hamishika kumi zenye thamani ya shilingi milioni mia moja zitakazotumika katika mikoa mbalimbali nchini.

Akizungumza katika uzinduzi huo Waziri Ummy amesema  lengo la kunua maabara hizo ni  kuimarisha nguvu katika uchunguzi wa haraka na wa awali wa dawa na kudhibiti ubora na usalama wa dawa zinazoingia nchini na zilizo katika masoko

Nae Mkurugenzi Mkuu wa Mlaka ya Chakula na Dawa TFDA Hitti B. Sillo amesema Maabara hizo zimepangwa kupelekwa katika ofisi tatu za kanda ya TFDA ikiwemo Mbeya, Mtwara, na Dar es salaam.

Mamlaka ya Chakula na Dawa TFDA Inajukumu la kudhibiti ubora, Usalama na ufanisi wa bidhaa za chakula, dawa, Vipodozi, vifaa tiba na vitendanishi ili kulinda afya ya jamii dhidi ya madhara yanayoweza kutokea kutokana na matumizi ya bidhaa duni na bandia.