TIGO YATOA MSAADA WA MADAWATI GEITA

Na Yusuph Mwamba

KAMPUNI ya simu ya Tigo, leo imetoa masaada wa Madawati 135 mkoa wa Geita , yenye thamani ya shilingi Milioni 35 kama moja ya mchango wao  kwa ajili ya kusaidia Serikali katika mpango wake wa Elimu bure Nchini Tanzania.

Baadhi ya Madawati yalitolewa na kampuni ya Tigo  katika kusaidia mpango wa Elimu bure mkoani Geita

Akizungumza na waandidhi wa habari mkoani Geita, Meneja wa Tigo kanda ya ziwa, Edga Mapande, amesema kuwa mchango huo wameupokea kwa mikono miwili na kuwashukuru wale wote waliofanikisha mpango huo wa kuiwezesha mkoa huo kuhakikisha wanafunzi wote wanakuwa na mahala pakukalia wawapo madarasani.

Mkuu wa mkoa wa Geita, Mh: Meja Jenerali (MST) Ezekiel Ekyunga, naye kwa upande wake hakusita kuzungumzia mchango huo na kuwata wale wote wenye moyo wa kuchangia Elimu ya Tanzania wajitokeze kwa wingi katika kufanikisha mpango wa Rais wa Jamhuri ya Muungano wa Tanzania Dkt John Pombe Magufuli.

Mkuu wa mkoa wa Geita, Mh: Meja Jenerali Ezekiel Ekyunga

"Tunashukuru sana ndugu zetu wa Tigo kwa msaada wenu naimani kwa hapa mlipotufikisha hatuna budi kuwashukuru sana ila tunawaomba wale wote wenye mapenzi mema na Elimu yetu ya Tanzania basi nao wasaidie ili kukuza Elimu yetu na kufanya wanafunzi wetu waweze kuishi katika mazingira rafiki wawapo darasani".Alisema Ekyunga

Aidha, kabla ya ujio wa mchango huo kutoka kampuni ya Tigo, Wananchi wa mkoa wa Geita, walifanya harambee ya kuchangishana na kufikisha kiasi cha fedha chenye thamani ya Bilioni 1.7 kwa ajili ya utengenezaji wa Madawati.

Tigo kwa sasa ndio waandalizi wa Tamasha la Fiesta 2016, linaloshrikisha baadhi ya wasanii katika makundi tofauti tofauti katika tasnia ya Muziki hapa Nchini kwa kushirikiana na Prime time Promotion chini ya Clouds Media Group.

JIUNGE NASI , BONYEZA HAPA http://www.wabunifumedia.blogspot.com ku-install App ya wabunifumedia,  bila ya kuingia websiteTweet@wabunifumediaonline, youtube@wabunifumediaonline TV, Fb@wabunifumediaonline, insta@wabunifumediaonline