Na Zephania
Klabu ya Manchester City imeendeleza ubabe wake kwenye ligi kuu soka
ya England baada ya kumchapa hasimu wake wa jiji moja Manchester United
goli 2-1.
Kwenye mchezo huo ambao City ilimiliki mpira wakati mwingi, ilipata
goli lake la kwanza kupitia David Silva dakika ya 43 kabla ya Marcus
Rashford kusawazisha dakika ya 45 na baadae Nicolás Otamendi kupachika
la pili na la ushindi kunako dakika ya 54.
Meneja wa Manchester United Jose Mourinho amesema kwa sasa ni wazi asilimia kuwa ya ubingwa wa EPL msimu huu ukaenda kwa City.
”Wamecheza vizuri, wengi walitarajia hili, ni vigumu
kuwakabili kama hauna timu imara zaidi yao, tumemkosa Pogba ambaye
angeweza kuleta madhara kwao, nafikiri wanaweza kuwa mabingwa msimu
huu.’‘ amesema Mourinho kwenye mahojiano yake baada ya kumalizika kwa mchezo wa jana.
Kwa misimu miwili mfululizo Manchester City imefanikiwa kushinda
michezo miwili ndani ya dimba la Old Trafford na hakuna timu iliyofanya
hivyo
Post a Comment