HATIMAYE Nguli wa tasnia ya muziki hapa Nchini Tanzania kupitia muziki wa bongo flava, Ali Salehe Kiba maarufu kama King Kiba anataraji kutumbuiza katika utoaji wa tuzo za MTV Africa Music Awards (MTV MAMA).
Ali Kiba, alikuwa katika mchuano mkali na baadhi ya wasanii katika kupata uwakilishi wa utumbwizaji huo lakini bahati ikaangukia kwake na kufanikiwa na tayari kupitia ukurasa wa mitandao ya kijamii ya MTV Base wameshaorodhesha majina ya wasanii watakao tumbuiza siku hiyo akiwemo Alikiba, Ycee, na Cassper Nyovest.
Kiba kwa sasa ni msanii pekee katika nchi ya Tanzania anayesifika kwa kuutendea haki muziki wa ‘live’ mpaka sasa haijulikani kama atapewa muda gani ili aweze kuonesha vitu vyake kupitia Live Band au katika sekta ya Play Back atachagua nyimbo gani ili aache historia katika tukio hilo adhimu la kiburudani.
Kwa hakika hii ni faraja ilioje kuona wasanii wetu wanapata thamani kubwa kimataifa, sio bure bali ni juhudi kubwa kwa wasanii hao, hivi karibuni Ali Kiba alisema wazi kuwa ana nyimbo 5 ziko tayari zikwa nne amefanya collaboration huku moja ikiwa ameimba mwenyewe na zote zitatoka mwaka huu hivyo mjiandae, tayari leo hii ngoma yake na Baraka de Prince ihitwayo Nisamehe itatoka kisha itafuata Kajiandae aliyoimba na Ommy Dimpoz kabla ya kutoa Aje Remix aliyoimba na MI Huku akifunga mwaka na nyimbo aliyoimba mwenyewe.
Post a Comment