TANZANIA YASHIKA KASI' KATIKA TUZO ZA KIMATAIFA

Na Yusuph Mwamba

TANZANIA inazidi kupiga hatua kwenye masuala mbalimbali ya kimaendeleo hivi karibuni ilishuhudiwa kwenye masuala ya Filamu mwanadada Nguli wa maigizo hapa Nchini, Elizabeth Michael (Lulu), pamoja na  Single Mtambalike wakileta ushindi nchini baada ya kushinda tuzo za Filamu za African Magic Viewers Choice Awards 2016 zilizotolewa jijini Lagos, Nigeria., huku kwenye Tasnia ya Muziki ikishuhudiwa msanii Alikiba akisaini Mkataba mnono na kampuni kubwa ya Sony ambapo kwa bara la Afrika yeye na msanii Davido wa Nigeria ndio wamepata fursa hiyo adhimu.

Msanii wa Muzi Nchini, Ally Saleh (King Kiba ) akipeana mikono na mmoja wa wakurugenzi wa Kampuni ya Sony Music muda mfupi mara baada ya kusaini mkataba na kampuni hiyo

Kwa upande wa masuala ya Kiroho imeshuhudiwa kwa kijana Rajai Ayoub kushinda katika mashindano ya usomaji wa Qur-an kwa mtindo wa Tajweed yaliyo fanyika nchini Iran na kushika namba moja kwa kwa Afrika na namba sita kwa Dunia, huku katika kipengele cha uzuri wa Sauti akichukua namba moja kwa Dunia nzima.

Rajai Ayoub mshindi wa tuzo za mashindano ya kuhifadhi Quaran yalifnyika nchini Iran hivi karibu

Halikadhalika katika nyanja za Maendeleo Tanzania imezidi kufanya vizuri ambapo kijana Selemani Yusuph Kitenge, amekuwa miongoni mwa vijana waliotunukiwa tuzo za Diploma ya Heshima maarufu kama 'New Leaders For Tommorow Diploma' zinazo tolewa na Taasisi ya Crans Montana Forum yenye makao makuu yake nchini Monaco na Uswis.

Selemani Yusuph Kitenge, mshindi wa tuzo ya Diploma iliyofanyika Nchini Monacco na Uswis

Akizungumza na Wabunifumedia, Selemani Kitenge ,ameeleza kuwa moja ya sababu zilizopelekea kutunukiwa tuzo hiyo ushiriki wake wa mijadala mbalimbali ya masuala ya kimaendeleo katika nchi za Russia, Moroco na Azerbaijan, ndipo wadau mbalimbali wakapendekeza jina lake katika tuzo hizo, kwa Tanzania ni mara ya kwanza kwa kijana Selemani kutunukiwa tuzo hiyo tangu zianzishwe mwaka 2010, ambapo atapata fursa ya kushiriki mikutano mbalimbali ya kimataifa itakayo wahusisha viongozi wakubwa wa kidunia, ambapo amewataka vijana kutokata tamaa na kuamini katika kile wanachokifanya.

Selemani Kitenge akiwa katika moja ya pozi Nchini Monacco

Selemani Yusuph Kitenge ,akikabidhiwa cheti cha uongozi mara baada ya kutawazwa kuibuka kinara wa tuzo hizo