MOTO WATEKETEZA KIWANDA CHA NGUO CHA 21 ST CENTURY

Na Yusuph Mwamba

KIWANDA cha nguo kilichopo Mkoani Morogoro, Wilaya ya Morogoro Mjini, kata ya Mafisa kimeteketea kwa Moto asubuhi ya leo majira ya saa moja kasoro , huku chanzo na hasara havijajulikana.




Kiwanda hiki kipo kinajulikana kwa jina lingine la polister, kipo eneo la Kihonda Viwandani.

⁠⁠⁠Kiwanda hicho ni moja ya viwanda vichache vinavyofanya kazi ambapo kwa sasa kilikua kinatengeneza khanga na vitenge vilivyoanzishwa na baba wa taifa Mwalimu Julias nyerere kimeungua moto asubuhi ya leo.

Hali ya kuzima moto huo ilionekana kuwa ngumu kutokana na kiwanda hicho kuwa na kuta ndefu, ambapo kuliwafanya watumie nguvu za ziada kubomoa baadhi ya kuta ili kupitisha mipira  ya zima moto ili kuokoa mali zilizopo kunako kiwanda hicho.

Akizungumza na WABUNIFUMEDIA,  mtoa habari wetu ambye ni mfanyakazi wa kiwanda hicho, amesema kuwa chanzo kikubwa hakijajulikana lakini mwanzo kulikuwa na Hitilafu ya umeme na kupelekea kuwaka kwa moto huo.

Pia naye Diwani wa kata ya mafisa kiongozi Daud, hakusita kutoa ushirikiano wa dhati pamoja na kampuni yake ya ulinzi katika kufanikisha uokoaji wa mali hizo unafanikiwa katika zoezi hilo la kuzima moto.

Kuhusu hali ya usalama kunako kiwanda hicho, moja ya chanzo chetu kimeseama kuwa , usalama upo wa hali ya juu tena usio na mashaka huku akisema kuwa walinzi wa kampuni hiyo wamekuwa na mahojiano kwa yoyote anayeingia kunako tukio hilo.




Kampuni hiyo, ni miongoni mwa makapuni yanayotoa ajira takribani maefu ya watu, hivyo kuweka ulakini na wasi wasi kwa watendaji wa kiwanda hicho pamoja na vibarua huku shaka kubwa likiwa ni ukosaji wa ajira kwa muda mfupi na jinsi ya kuendesha maisha yao ikiwa wengi wao ndio sehemu ya kujipatia kipatao.

JIUNGE NASI , BONYEZA HAPA http://www.wabunifumedia.blogspot.com ku-install App ya wabunifumedia,  bila ya kuingia website

Tweet@wabunifumediaonline, youtube@wabunifumediaonline TV, Fb@wabunifumediaonline, insta@wabunifumediaonline