BALOTELLI KUREJEA EPL

Na Yusuph Mwamba.

MSHAMBULIAJI wa zamani wa Kimataifa wa Italia na klabu ya soka ya Nice ya Ufaransa, Mario Balotelli, yupo mbioni kurejea katika ligi kuu ya Uingereza kwa ajili ya kuendeleza makali yake aliyokuwa nayo zamani.

Ujio wa Balloteli, umethibitishwa na wakala Mino Raiola, ambaye ni wakala wa wachezaji wengi mastaa katika ligi tofauti ambaye alikuwa pia wakala wa mwanandinga wa kimataifa wa Ufaransa na klabu ya soka ya Manchester United, Poul Pogba.

Miongoni mwa klabu alizochezea kipindini yupo ligi kuu ya Uingereza ni pamoja na klabu ya Manchester City pamoja na klabu ya Liverpool lakini kote  hakuweza kufanikiwa kupata mafanikio makubwa.

Raiola amenukuliwa akisema: "Ufaransa inamhitaji kama walivyokuwa wakimhitaji Zlatan (Ibrahimovic). Yupo vizuri lakini ipo siku atarejea Premier League."

Balotelli alifanikiwa kujiunga na klabu ya Nice iliyoko Ufaransa baada ya kutokuwa na maelewano mazuri na Kocha wa Liverpool, Jurgen Klopp ,ambaye aliweka wazi kuwa hamuhitaji katika kikosi chake.

"Mario na Jurgen Klopp hawakupata nafasi kwa kuwa Klopp hakutaka kumpa nafasi na kumuona kama mpuuzi tu na mtu asiye na mchango kunako klabu yake". Alisema Raiola

JIUNGE NASI , BONYEZA HAPA http://www.wabunifumedia.blogspot.com ku-install App ya wabunifumedia,  bila ya kuingia websiteTweet@wabunifumediaonline, youtube@wabunifumediaonline TV, Fb@wabunifumediaonline, insta@wabunifumediaonline