MARCUS RASHFORD: UJIO WA ZLATAN IBRAHIMOVIC NI FAIDA KWANGU

Na Yusuph Mwamba

MSHAMBULIAJI wa Kimataifa wa Uingereza na klabu ya soka ya Manchester ,Marcus Rashford, amesema kuwa atajifunza mengi kupitia kwa nyota mpya aliyesaini kunako klabu hiyo ,Zlatan Ibrahimovic.

Ibrahimovic mwenye umri wa miaka 34, ambaye katika mchezo wa kirafiki uliopigwa jana  dhidi ya klabu ya soka ya Galatasaray ya Uturuki ,alifanikiwa kuanza na kuandika goli lake la kwanza tangu atue kunako klabu hiyo baada ya United kufanikiwa kuondoka na ushindi wa jumla ya mabao 5-2 mchezo uliochezwa kaika dimba la Gothenburg.

Rashford, alifanikiwa kung'ara katika msimu uliomalizika baada ya kuonesha kiwango cha hali ya juu, kitu ambacho kilipelekea mwanandinga huyo kufanyiwa saplaizi ya kujumuishwa katika kikosi cha Timu ya Taifa ya Uingereza kilichoshiriki kwenye michuano ya fainali ya Euro 2016 iliyofanyika huko Ufaransa japo Timu hiyo haikuonesha kiwango bora na kutolewa katika hatua ya mtoano.

"Matumaini ya kuwa nyota mkubwa au superstar yanakuja, hata dada yangu aliwahi kuniambia kuwa endapo nitakuwa naye bega kwa bega naimani Ibrahimovic atanipa vitu adimu sana, kwahiyo huu ni muda wa kujifunza vingi kutoka kwake na tunahitaji vingi kutoka kwake kikubwa ni ushirikiano na kumpa muda ".Alisema  Rashford katika official website ya klabu hiyo.

JIUNGE NASI , BONYEZA HAPA http://www.wabunifumedia.blogspot.com ku-install App ya wabunifumedia,  bila ya kuingia websiteTweet@wabunifumediaonline, youtube@wabunifumediaonline TV, Fb@wabunifumediaonline, insta@wabunifumediaonline