Na Yusuph Mwamba
UONGOZI wa shirikisho la mpira wa miguu Uingereza FA, upo mbioni kufanya mazungumzo na aliyekuwa Meneja wa zamani wa timu ya Taifa ya Uingereza, Glenn Holder, ili kuangalia uwezekano wa kuinoa timu hiyo ya Taifa kwa mara ya pili.
Hatua hiyo imekuja baada ya, aliyekuwa kocha wa kikosi hicho ,Roy Hodgson, kuachia ngazi katika timu hiyo ya Taifa kwa kile kinachosemekana kutoridhishwa na mwenendo wa matokeo ya Uingereza kwenye michuano ya fainali ya Euro 2016 inayoendelea kushika kasi Nchini Ufaransa.
Ikumbukwe mchezo wa kwanza wa ufunguzi wa michuano ya Euro 2016 timu ya taifa ya Uingereza ilipata matokeo ya 1-1, dhidi ya timu ya Taifa ya Urusi, huku mchezo wa pili ulikuwa kati ya Uingereza na ndugu zao Wales lakini uingereza walipata matokeo ya 2-1, mchezo uliofuata ulikuwa dhidi ya Slovakia ambapo matokeo yalikuwa 0-0 huku wakijikuta wakitolewa na Ice land kwa jumla ya mabao 2-1
Kufutia matokeo hayo kocha wa timu ya Taifa ya Uingereza Roy Hodgson aliamua kujiuzuru kuifundisha timu hiyo.
Holder mwenye umri wa miaka 58, aliyekuwa akiongoza Uingereza katika miaka ya 1996-1999, amekuwa akiripotiwa kuhusishwa juu ya kurithi mikoba ya Hodgson katika kuingoza timu hiyo ya Uingereza.
Mkurugenzi wa FA, Martin Glenn, akishirikiana na mkurugenzi wa ufundi wa shirikisho hilo,Dan Ashworth pamoja na makamu mwenyekiti wa shirikisho hilo, David Gill wamesema huu sio muda wa kupoteza na kumtafuta mchawi badala yake waelekeze nguvu za kutafuta mbadala wa Hodgson ambaye wamempendekeza Glenn Holder kama mrithi sahihi wa Roy Hodgson.
Licha ya viongozi hao wa FA, kutaka kumpa dili Holder la kuiongoza timu ya Taifa ya Uingereza, naye aliyekuwa meneja wa zamani wa kikosi cha Uingereza chini ya umri wa miaka 21, Peter Taylor, amesema kuwa anaamini Holder ni mtu sahihi wa kuiongoza Uingereza na kupata mafanikio.
Glenn, kocha wa zamani wa Uingereza na aliyekuwa mchezaji wa timu hiyo akiwa kijana, mpaka anamaliza mpira wake amepata kuitumikia timu ya Taifa ya Uingereza kwa kucheza jumla ya michezo 58 na amesema yupo tayari kama FA watampa dili hilo na makubaliano yatakwenda vizuri
Kufukuzwa kwa Holer timu ya Taifa ya Uingereza, kulitokana na matokeo waliyoyapata dhidi ya timu ya soka ya Argentina kwenye michuano ya fainali ya kombe la Dunia yaliyofanyika 1998 huku wakijikuta wakiondolewa na Argentina hatua ya 16 bora ya mashindano hayo.
Post a Comment