Na Yusuph Mwamba
WAZIRI Mkuu mstaafu wa awamu ya nne ya Jamhuri ya Muungano wa Tanzania na aliyekuwa mgombea urais wa Jamhuri ya Muungano wa Tanzania kwa tiketi ya Umoja wa vyama pinzani (UKAWA) Edward Lowasa, amesema kwamba ili Tanzania iweze kupata maendeleo ya kweli ni lazima ipate katiba mpya itakayowezesha wananchi kuwa na uhuru wa kidemokrasia.
Hayo aliyazungumza, kwenye mahafali ya umoja wa wanachuo ambao ni wanachama wa CHADEMA (CHASO) Mkoa wa Dar es salaam ,yaliyofanyika katika ukumbi wa Karimjee jijini Dar es salaam na kuongeza kuwa katiba iliyopo inabana sana kufanya baadhi ya maamuzi huku akitolea mfano tume ya uchaguzi NEC .
Aidha , Lowasa amesema kwamba yeye binafsi hakubaliani na utendaji kazi wa tume hiyo hasa pale mgombea uraisi anapokuwa hakubaliani na maamuzi yatakayotangazwa na tume na anashauri ufanyike mchakato wa kuunda chombo kingine kitakachokuwa huru kusimamia shughuli ya uchaguzi.
Licha ya kudaii kuwepo kwa mchakato wa katiba mpya, Lowasa amezitaja sababu za ujio wa Nabii Joshua nchini Tanzania wakati wa sherehe za kuapishwa kwa Rais wa awamu ya tano DrJohn Pombe Magufuli kuwa alitumwa kuja kumshawishi akubaliane na matokeo ya liyotangazwa na tume ya uchaguzi 2015, lakini alipomueleza ukweli juu ya mchakato mzima wa uchaguzi ulivyo fanyika hapa nchini, ndipo mtumishi huyo kutoka Nigeria akaamua kutohudhuria sherehe hizo za kuapishwa kwa Rais wa Jamhuri ya Mungano Dr Pombe Magufuli.
Post a Comment