ASKOFU CHARLES GADI AFANYA MAOMBI YA KUZUIA MVUA ZENYE MADHARA

Novemba 02, 2017 Nyumbani

 Mwenyekiti wa Kanisa la Good News for all Ministy Askofu Dr.Charles Gadi wakati kati akizungumza na wanahabari

 wanahabari wakipiga picha

wanahabari na wadau mbalimbali wakiwa kwenye maombi na Askofu Charles Gadi katika ukumbi wa Habari maelezo jijini Dar es salaam(picha zote na Blog hii)

Na Mussa.N.Khalid

Mwenyekiti wa Kanisa la Good News for all Ministy Askofu Dr.Charles Gadi ameipongeza Mamlaka ya Hali ya Hewa kwa kutoa tahadhari mapema ya kunyesha kwa mvua kubwa mwanzoni mwa mwezi novemba mwaka huu.

Askofu Charles amezungumza hayo leo jijini Dar es salaam wakati akizungumza na wanahabari ambapo amesema Mamlaka hiyo imefanya jambo jema kwa kutoa tahadhari ya kuwepo kwa mvua kubwa  kwani ni jambo litakalosaidia watu kujilinda maisha yao pamoja na mali zao.

Amesema ni hatua kubwa na yakimaendeleo kwa Mamlaka hiyo kwa kufanikisha kutoa taarifa ya hali ya hewa itakayoweza kujitokeza nchini.

Askofu Charles amesema wao kama viongozi wa dini lengo lao ni kuhakikisha wanafanya maombi yenye lengo la kuzuia mvua ambazo zinazoweza kusababisha madhara kwa binadamu na mali zao.

“Vilevile mvua hizi ni muhimu kwa mazao ya kudumu mfano kahawa,chai,korosho,katani,miti ya matunda lakini pia bila kusahau malisho ya wanyama wa mwitu na wale wa kufugwa,pamoja na mositu yake pia”amesema Askofu Charles

Hata hivyo wakiwa pamoja na wanahabari wamemuomba Mungu kwa pamoja ili aweze kuepusha janga la mvua za mafuriko.