TABIBU LYANA AMKABIDHI RAIS MAGUFULI JIPU LA WAGANGA WA TIBA ASILIA.

Na Yusuph Mwamba 

SERIKALI ya Rais Magufuli  imeshauriwa  kuchukua haraka hatua  kali dhidi ya waganga feki wa tiba Asili ,ambapo wengi wao  wamekuwa wakijifanya wanaujuzi wa kutibu magonjwa mbalimbali ambayo ni sugu na kuwasababishia matatizo makubwa watu waohitaji huduma hiyo ya matibabu na wengine kuishia kutapeliwa na kuongeza matatizo zaidi ya kiafya.

Rais wa Jamhuri ya Muungano wa Tanzania , Dr John Pombe Magufuli

   Akizungumza jijini Dar es Salaam ,Mkurugenzi wa Baraza la Waganga na Watafiti wa Tiba Asili Halmashauri ya Wilaya ya kinondoni, Tabibu Maxmilian Lyana, ambapo ameeleza kuwa Serikali inatakiwa kuwa makini na makanjanja wa Tiba Asilia kwani wengi wao wamekuwa wakiwasababishia madhara makubwa watumiaji wa dawa hizo na kupelekea kuongezeka kwa wingi wa utapeli katika tasnia hiyo ya Utabibu.

‘’kuna waganga feki wengi sana ambao kazi yao ni kutapeli tu na hakuna tiba yoyote wanayoitoa na badala yake wanajikuta wakiwasababbishia madhara watumiaji wa Tiba hiyo". Alisema Lyana 

Mkurugenzi wa Baraza la Waganga na Watafiti wa Tiba Asilia Halmashauri ya Wilaya ya Kinondoni, Maxmilian Lyana

  Aidha Tabibu Lyana ameongeza kuwa tasnia hiyo imefikia katika hali mbaya zaidi kiasi kwamba waganga wa tiba asili kuonekana kuwa ni kituko na heshima waliokuwa nayo imepotea  na hawaaminiki tena kwa wateja wao kutokana na kuaribiwa jina na baadhi ya watu wachache ambapo ameishauri serikali kufuta vituo vyote vya waganaga wa tiba asili ambavyo havija sajiliwa na kuwataka wananchi kutokwenda kupata huduma kwa matapeli na kuwataka kutoa taarifa pale wanapotapeliwa na waganga feki.

Baadhi ya dawa za Asili zinazotumika kwa matibabu ya magonjwa mbalimbali

Mtabibu mmoja akijaribu kutoa bei elekezi ya madawa hayo ya kitabibu

Mtaalam huyo wa tiba asili wa kituo cha Ifakara Herbal Clinic, kilichopo Tandale sokoni, amesema kituo chake kinajishulisha na magonjwa mbalimbali ikiwemo  matatizo ya uzazi, kisukali, Presha ya kupanda na kushuka,uvimbe,kifafa na kupooza huku akiiongeza kuwa hakuna uhusiano wowote kati ya waganga asili na mauaji yanayoendelea kutokea dhidi ya albino kwani tangu ameanza kufanya kazi hiyo hajawahi kuona kiungo cha mtu wenye Ualbino kinatumika kwa kupata utajiri na kuongeza kuwa mwenye kutaka utajiri afanye juhudi ili aweze kufanikiwa.

Maxmilian Lyana, Mkurugenzi wa Tiba Asilia Halmashauri ya Wilaya ya Kinondoni