Na Yusuph Mwamba
KLABU ya soka ya Watford wamekubali dili la uhamisho wa nyota wa Kimataifa wa Nigeria na anayekipiga kunako klabu hiyo, Odion Ighalo, kujiunga na klabu moja ya china ijulikanayo kwa jina la SIPG Club tayari kuitumikia klabu hiyo.
Uhamisho wa mwanandinga huyo kujinga na klabu ya SIPG, umefuatiwa baada ya uongozi wa klabu hiyo ya china kumsainisha nyota wa kimataifa wa Brazil ,Hulk kwa ada ya pauni milioni 46 akitokea kunako klabu ya Zenit ya Urus.
Ighalo, aliyefanikiwa kucheza timu ya Taifa ya Nigeria kwa vipindi 11 na kuchezea klabu yake jumla ya michezo 63 na kufanikiwa kutingisha nyavu mara 37 tangu ajiunge na klabu ya Watford akitokea kunako klabu ya Granada ya Hispain mei, 2014 amesaini klabu ya china kwa dili la pauni milioni 37.5.
Kufutia kusajiliwa kwa nyota huyo, sasa kumeifanya klabu ya Watford chini ya Meneja wake Walter Mazzarri kuvunja rekodi ya uhamisho ya wachezaji ambapo walimnunua Ighalo kunako klabu ya Granada ya Hispain kwa ada ya pauni milioni 12.5 na kumuuza kwa ada ya pauni milioni 37.5 ambapo nikitu ambacho hakijawahi kutokea kunako klabu hiyo.
Wakati huo huo, klabu ya Watford wakiwa na faida ya mtaji wa nyota huyo, bado wameendelea na mawindo ya nyota wa klabu ya Genk ya Nchini Ubelgij ,Christian Kabasele, baada ya kufanikiwa kuinasa saini ya mwanandinga huyo kwa ada ya uhamisho wa pauni milioni 5.8 kwa ajili ya kuimarisha kikosi chao kwa ajili ya msimu ujao wa ligi baada ya kuondokewa na nyota wake Ighalo aliyetimkia china.
 |
| Odion Ighalo |
Post a Comment