JINAMIZI LA WANYAMA 'LAZIDI KUITAFUNA SOUTHAMPTON

JINAMIZI LA WANYAMA 'LAZIDI KUITAFUNA  SOUTHAMPTON

Na Yusuph Mwamba

BAADA ya klabu ya Southampton kumpoteza kiungo wake mashughuri wa kimataifa wa Kenya, Victor Wanya, tayari kumezuka tetesi nyingine za kuondoka kwa mshambuliaji wa Kimataifa wa Senegal anayekipiga kunako klabu hiyo Sadio Mane kutaka kutimkia klabu ya Majogoo wa Jiji la London Liverpool.

Mane, mwenye uraia wa Senegal, mwenye umri wa miaka 24, tayari ameshaanza mazungumzo na klabu ya Liverpool kwa ajili ya kutaka kuinasa saini ya mwanandinga huyo katika majira haya ya usajili ili kuongeza nguvu ya safu ya ushambuliaji wa kikosi cha Liverpool kilichopo chini ya kocha Mjerumani  Jurgen Klopp.

Mshambuliji wa klabu ya Southampton  Sadio Mone

Licha ya kuendelea kwa mazungumzo hayo, lakini mpaka sasa hakuna dau lololote lililotangazwa juu ya mwanandinga huyo, lakini klabu ya Liverpool kufutiwa kuridhishwa na mwenendo wa nyota huyo na benchi la ufundi la klabu hiyo chini ya kocha Klopp ,wamesema endapo makubaliano yatakwenda vizuri watampatia kiasi cha Euro milioni 30 kama ada ya uhamisho wa mwanandinga huyo.

Mpaka sasa Mane, amefanikiwa kuzifumania nyavu mara 21 na kufanikiwa kucheza jumla ya michezo 67 ,tangu atue kunako klabu hiyo akitokea klabu ya Red Bull Salzbur miaka 2 iliyopita.

Kama Money, atafanikiwa kuondoka kunako klabu hiyo, basi atakuwa ni miongoni mwa  nyota wa pili kutimka klabu hiyo baada ya mwanandinga wa Kimataifa na raia wa Kenya Victor Wanyama, kutimkia klabu hio na kujiunga na klabu ya soka ya Tottenham kwa kandarasi ya miaka 5 mapaka 2021.